En Pulpería Porta Catering acabamos de cumprir tres décadas como empresa de catering en Galicia. Durante todos estes anos enchemos mesas en moitas celebracións públicas e privadas, homenaxeando a deliciosa gastronomía das Rías Baixas e, por extensión, de toda a nosa comarca. A nosa paixón pola cociña tradicional, sumada á ampla experiencia no sector, convertémonos no referente da restauración a domicilio en toda a comunidade.
A tradición galega en cada evento
Imaxinas gozar dun auténtico polbo á feira na túa propia casa sen o esforzo que supón cociñalo? Ou celebrar un encontro con amigos nunha granxa acompañado dos pratos e viños máis auténticos das nosas terras? En Pulpería Porta Catering facemos realidade os teus desexos.
A nosa proposta vai máis aló dun simple servizo de catering. Somos artesáns da gastronomía galega, e cada prato que elaboramos é unha oda aos nosos produtos locais e ás nosas raíces. Dende os máis clásicos, como o churrasco galego ou a carne ou o caldeiro, ata as receitas máis innovadoras, respectando sempre a esencia da nosa cociña.
Un equipo de profesionais ao teu servizo
Detrás de cada evento exitoso hai un equipo de profesionais apaixonados polo seu traballo. En Pulpería Porta Catering contamos cun grupo de cociñeiros, camareiros e organizadores de eventos altamente cualificados que se encargarán de que todo saia á perfección.
Adaptámonos ás túas necesidades e preferencias. Xa sexa unha pequena reunión familiar, unha voda, unha romaría ou un evento de empresa, entre outros exemplos, ofrecémosche un servizo personalizado e á medida. Dende a elaboración dos menús ata a decoración do espazo, coidamos cada detalle para que sexa unha celebración inesquecible para todos os asistentes. Ninguén quedará con fame!
Galicia en cada bocado
Na cultura galega a comida é moito máis que comida, é unha experiencia. E en Pulpería Porta Catering queremos que isto sexa único e inesquecible. Ao elixirnos, estás optando por:
- Produtos de primeira calidade. Seleccionamos coidadosamente os mellores ingredientes da nosa terra para garantir a máxima calidade e frescura dos nosos pratos.
- Receitas tradicionais. Rescatamos e reinterpretamos as receitas das nosas avoas, fusionando tradición e innovación.
- Servizo a domicilio. Achegamos a gastronomía galega a calquera recuncho de Galicia. Estivemos en practicamente todos os concellos da comarca.
- Profesionalidade e atención ao cliente. Contamos cun equipo de expertos á túa disposición para asesorarte e axudarche a organizar o teu evento.
Contrata os servizos da nosa empresa de catering en Galicia
Se buscas unha empresa de restauración en Galicia que che ofreza a mellor comida tradicional da zona, non o dubides e confía en Pulpería Porta Catering. Contacta connosco e solicita máis información sen compromiso.