Contratar a unha empresa de cátering para un evento é algo complexo que non podemos tomarnos a treo. É necesario valorar diferentes cousas antes de apostar a contratación dunha empresa que se encargue de dar para comer a todos os invitados e en Pulpería Porta podemos asegurar que pasamos con nota todos e cada un dos puntos para ter en conta para o cátering do evento que estea a organizar.
O menú
O menú é practicamente o máis importante cando falamos de cátering para eventos. A posibilidade de ofrecer un menú variado na que calquera convidado atope algo do seu agrado e a adaptación ás condicións do evento, xa sexa pola formalidade do mesmo, por se se prefire un cátering frío en lugar de pratos quentes, ou polo feito de que está a pensar en establecer un servizo de cátering de pé para un evento máis distendido no que todos poidan moverse con liberdade e interactuar entre eles. En Pulpería Porta saberemos adaptarnos ás características do que busca e ofrecerlle un menú de tempada e preciso para aquilo que trata de organizar.
Pregúntenos pola nosa carta para elixir o que quere servir e tamén pola posibilidade de servir pratos especiais para persoas con alerxias ou intolerancias. Á calidade e ampla variedade de pratos tamén sumamos o feito de tratarse de racións xenerosas para que ninguén quede con fame ou sen probar bocado.
A organización
Contar cunha empresa que conta con medios humanos e materiais para toda a organización do cátering é un punto a favor que en Pulpería Porta estamos en condicións de ofrecerlle.
E é que, ademais de contar cun equipo de cociña altamente equipado, tamén lle ofrecemos todo o que necesita en canto a xerador de corrente, carpas para comer baixo teito ou mesmo baños portátiles para que conte con todo o necesario para unha cea ou comida con todo luxo de detalles nun xardín particular ou un pazo.
Equipo de cociña
Evidentemente o que non pode faltar para brillar na organización dun evento con cátering é unha deliciosa comida. Tan importante como estar nun espazo agradable e ben equipado con variedade de pratos a escoller, é que estes estean ademais ao gusto de todos os comensais.
En Pulpería Porta levamos anos dando para comer a miles de persoas en vodas, eventos de empresa, festas patronais, etc. O noso equipo de cociña traballa con materiais de primeira e propios da nosa terra e a súa pericia en cociña está fóra de toda dúbida. Contamos con especialidades en carnes e outras comidas como os callos. Evidentemente, sendo unha polbeira non pode deixar pasar a oportunidade de ofrecer aos seus convidados unha ración do noso famoso polbo da ría.
Sumando estas tres pedras angulares a un servizo de atención en mesa por parte de camareiros e camareiras profesionais ao servizo e atención dos seus invitados, xa valoraría todo canto necesita para a elección do cátering. Con Pulpería Porta a súa aposta é sen risco. Chámenos e pregunte polos nosos servizos de cátering.
