En Galicia, xa se sabe, todas as festas que xiran a carón da gastronomía son sagradas. E por suposto que o Nadal non ía ser una excepción: unha festividade que en terras galegas ten o seu propio sabor. Dende Pulpería Porta Catering queremos renderlle homenaxe a unha das épocas máis entrañables do ano facendo un repaso deses pratos únicos, protagonistas indiscutible da nosa mesa, que non deben faltar nestas datas tan sinaladas.
O marisco
Por suposto, non falaríamos dun Nadal galego sen ter en conta o noso marisco de primeira calidade. Un dos alimentos máis representativos da nosa gastronomía é tamén un dos máis desexados nas celebración de Noiteboa, Nadal ou Aninovo. Os percebes, as gambas, as ameixas, os mexillóns, as navallas, os berberechos... A variedade está servida e o padal, claro, contento.
O marisco soe ser o entrante estrela nestas datas sinaladas, con preparacións de todo tipo: gambas á cazola, ameixas en salsa verde, gambas á prancha, vieiras recheas... De feito, unha das cuestións máis características da maneira de degustar o marisco en Galicia é facelo en toda a súa variedade, tanto de tipos de mariscos como tipos de receitas que admiten todos estes produtos.
Carnes
Unha boa carne ao forno serve sempre coma un contundente prato principal, delicioso e moi apropiado para ser o centro do menú de Noiteboa.
O capón é unha das máis demandadas, se falamos de pratos que teñan a carne coma protagonista. Dende Pulpería Porta, para un trunfo asegurado, recomendamos preparar o capón recheo, cun riquísimo acompañamento de castañas asadas.
Por suposto que unha boa tenreira galega non podía estar ausente nunha magnífica selección de carnes para unha data tan especial coma o Nadal. Guisada en viño tinto é quizais unha das receitas máis saborosas para degustar este manxar da terra.
Peixes
Para os amantes do peixe antes que da carne, os pratos da gastronomía clásica galega teñen tamén aquí moito que achegar e, ademais, combinarán de marabilla coma primeiro prato despois duns entrantes a base de marisco. Aquí, a pescada, raíña de todos os peixes, é sen dúbida o prato estrela. Se ben é certo tamén que moitas familias galegas elixen nestas datas o característico sabor do bacallau. Con repolo, á prancha, con coliflor cocida, con cachelos... Todas as variedades son estupendas para este esencial de Nadal.
Precisas de máis inspiración para conseguir un menú perfecto para este Nadal? Sodes moitos a cear e buscar unha selección que estea á altura destas datas sinaladas? Contacta con servizo de catering a domicilio que che ofrecemos a toda Galicia dende Pulpería Porta. Encargámonos de facervos chegar a casa todo o sabor da nosa tradición. Agardámosvos.