Paseniño, con mimo e moito arte. Non é casualidade que as receitas que mellor saben e que máis tempo se manteñen na nosa memoria -e mais no noso padal- sexan tamén as que se fan con maior agarimo. Sucede así cun dos pratos estrela de Pulpería Porta, o seu catering galego a domicilio: a nosa afamada carne ao espeto, da que hoxe imos compartir o segredo da nosa receita. Iso si, xa lle podemos facer un adianto: a paciencia, o tino e o sentimento teñen moito que ver para chegar a conseguir ese sabor que tantos comensais veñen buscando.
Carne ao espeto: o segredo para triunfar en calquera ocasión
Nos últimos anos asistimos acotío a unha reinterpretación das receitas tradicionais: esas que foron desprazadas no seu día por novos sabores e ás que cada vez máis comensais regresan de novo na procura dos sabores que botan en falta.
A carne ao espeto é un deses clásicos da cociña galega, exquisito para triunfar en calquera evento. En Pulpería Porta Catering sabémolo ben: son moitos os encargos que recibimos para que a costela de tenreira ao espeto, unha das nosas especialidades, sexa a protagonistas de cenas de empresa, festas de aniversarios ou esperadas reunións de familia. E é que si vostede está na procura dun prato que teña a capacidade de marabillar o padal de todo tipo de asistentes, velaquí está. Hoxe revelamos o seu segredo mellor gardado: o punto de cocción exacto para unha preparación perfecta.
A receita tradicional de carne ao espeto
A técnica importa na elaboración desta riquísima receita: para a carne ao espeto imos elixir sempre unha boas brasas que lle darán un sabor inconfundible.
Esta receita ancestral triunfa por moitos motivos e o feito de conseguir facer a carne ao punto, conseguir que estea tenra pero, ao mesmo tempo, que manteña o seu xugo, é un deles.
É certo que esta non é unha receita para principiantes: require coñecementos do punto de cocción da carne, que debe estar nas brasas durante unhas tres horas, cun lume lento alimentado con leña. Pasado este tempo, observamos o aspecto da carne e, conseguido o punto desexado, damos volta por unha hora máis. Concluídas as catro horas de preparación, conseguimos que toda a carne ao espeto estea no seu punto exacto.
Como vemos, esta receita é laboriosa, require maña, paciencia, coñecementos e tempo. Por iso, si vostede necesita que a carne este perfecta para esa celebración tan especial que non admite error nin contratempos de última hora, a nosa recomendación é que confíe en profesionais da churrascada coma Pulpería Porta.
Ademais, unha das vantaxas engadidas de confiar nos nosos servizos é que os nosos afamados pratos poden ser degustados en calquera punto da xeografía galega grazas ao noso servicio de cátering a domicilio. Contacte connosco sen compromiso.
