Se hai algo que nos caracteriza aos galegos é a nosa maneira de celebrar as cousas: boa música, bo ambiente e, sobre todo, boa comida.
En calquera festa que se prece, a gastronomía é a gran protagonista e, se apostas por un cátering, escoller os pratos axeitados é clave para que todos os convidados gocen.
Nós podemos axudarche! Dende Pulpería Porta, os teus especialistas en cátering para festas e eventos en Galicia, traballamos con receitas tradicionais elaboradas con produtos de primeira calidade, así que podemos desvelarche o nome dos cinco pratos que non poden faltar nunha celebración en Galicia:
1. Polbo da Ría
É o rei indiscutible das festas galegas.
Cociñado no seu punto, cortado en rodas e servido sobre táboa de madeira, aderezase con sal gordo, pemento e un bo chorro de aceite de oliva.
O polbo da Ría non só é un prato, é toda unha experiencia gastronómica que transporta a feiras e romarías.
En calquera evento, será sempre o máis agardado polos comensais.
2. Costela de tenreira “ó espeto”
A tenreira galega é un dos grandes tesouros da nosa terra.
Preparada ao espeto, a costela cócese amodo sobre as brasas, achegando un sabor intenso e xugoso imposible de esquecer.
Este prato non só conquista polo gusto, tamén o fai polo espectáculo visual que supón ver a carne asándose fronte aos convidados.
3. Churrasco
Outro clásico que nunca falla nas reunións multitudinarias. O churrasco galego preparase con costela, chourizos e touciño entrefebrado á brasa, acompañado de patacas ou ensalada.
O seu aroma inconfundible e o seu sabor afumado converten a este prato nun dos imprescindibles en calquera festa popular.
4. Carne ao caldeiro
Un prato tradicional onde a sinxeleza é sinónimo de éxito.
A carne de tenreira cócese con patacas, loureiro e sal, e servese acompañada dun bo chorro de aceite de oliva e pemento.
Pode presumir dun sabor auténtico que lembra as comidas familiares de domingo.
Perfecto para os que prefiren opcións máis lixeiras!
5. Callos
Aínda que adoitan asociarse ao inverno, os callos galegos tamén se gozan en festas e feiras durante todo o ano.
Prepáranse con garavanzos, tripa e un guiso cheo de sabor que reconforta a calquera.
Trátase dun prato que demostra como a cociña galega aproveita cada produto ao máximo, transformándoo nunha receita contundente e deliciosa.
O teu cátering de confianza para festas en Galicia
En Pulpería Porta Catering non só preparamos estes clásicos, tamén che ofrecemos opcións como cachelos, richada ou sobremesas caseiras que poñerán o broche de ouro ao teu evento.
Ademais, contamos cunha selección de viños galegos —Albariño, Ribeiro, Godello ou Mencía— para acompañar cada prato da mellor maneira.
Queres gozar de todo isto? Pois contacta connosco!